DAY +6 削髮日

老公昨晚第一次嘔吐，但昨日總算睡到，晚上沒有肚瀉，今早才開始再瀉過。醫生說胃及腸已少了氣，感謝主。

今早又開始發燒了，暫時37.6 低燒。如繼續發燒，會轉另一隻抗生素，以望能退燒，觀察中。

今日護士會幫老公剃頭髮。其實每次化療後D頭髮都會脫落，次次我們都係等D頭髮自然脫落既，今次竟然有剪髮服務，瑪麗服務真係完善。

老公光頭都好可愛好有型，露出個大頭，名乎其實的大頭仔。以前東區的醫護都叫老公做大頭仔，好親切呢。不過天氣凍左喇，要小心D唔好凍親。

老公仍然低燒中，今日的驗血結果白血球0.03，血小板 9，血色素 10，中性白血球 0,01。升跌不大，要輸4包血小板及打小白針。

老公D牙肉好腫，令佢面漲漲，好似含左2隻蛋向個口度咁，再加埋個大頭，真係好可愛，戴埋頂帽，型哂，老公好有型呀！

今日繼續吊營養劑，但獲准吃少量粥水，醫生話Ｄ牙肉咁腫應該好痛，叫老公吊嗎啡，但老公好勁話仲捱得住，暫時唔吊住。

再次感謝主，老公的肚已沒有瀉，胃氣又好了點，睡得到，而且好腫既牙肉又暫時沒有令佢好痛，又可以開始食返Ｄ粥水，真係滿有恩典在當中。