DAY -9 敏感睡寶寶

未戰先發燒...唔知老公訓左未呢? 老公加油!!



快D到聽朝就好喇...



抗抽筋藥同抗真菌藥



08:00 老公今早起身真的退燒了 ^^

10:00 暫時未知驗血結果，但今天又要輸2包血...

暫定明天開始化療，今天主要是食抗抽筋藥同抗真菌藥

老公瞓醒之後都幾精靈，來到時佢已經完成了執床、沖涼、洗傷口、消毒同取樣本等工作，不過仲未趕得上進度，未做到每小時吸波波的運動。老公要加油呀！

15:00 今日驗血結果 白血球 3.9 血色素 8.4 血小板 18
輸血期間，老公出紅疹，唔知佢對D藥定D血敏感，打左抗敏針，D疹好快就退左喇～不過因為打左針，成個下午就做左睡寶寶，咩都冇做過....運動量大落後~

17:30 為左要30分鐘內食左個晚餐，老公終於在熟睡被迫起身。起身既時候岩岩佢既至愛弟兄黎左...見到佢地夫婦二人，老公突然變得好精靈，談笑風生。多謝弟兄車埋老爺奶奶回家。見到老公咁精神，當然唔錯過機會叫佢追返Ｄ運動，佢都算乖，敷敷衍衍都叫吸左十幾下波波同踩左10分鐘單車。是日晚上安然渡過。

按之前的安排，明天應該開始打背脊針同食O果400粒化療藥丸，不過醫生好似話背脊針要血小板最少100先打得，老公得18，應該未打得，未打得就唔可以開始?! 醫生全日只係問左老公一句：有冇邊度唔舒服，之後就冇出現過，所以暫時都唔係好知安排～

DAY 1 發燒，DAY 2 敏感，希望DAY 3 冇事喇....

我們知道好多弟兄姊妹時常記掛住我地，為我們祈禱，甚至禁食禱告，多謝你地呀！我地會努力的。

老爺有點唔舒服，兩日來都因為怕感染老公而默默在中心外面坐，未能見老公一面，請大家都記念老爺，希望佢快D好返喇，謝謝。

之前因為未熟習這個blog 的運作，有d設定怪怪的，令閱覽者不便，現在已修改了瀏覽同留言的設定，希望大家睇得容易ｄ喇。多謝！