DAY -6 期望繼續平安

今日食第三日藥，因為最勁既藥後日先落，暫時情況幾好。如果可以一直保持咁既狀態就好了。


2日冇收過驗血結果，今天的結果是白血球 2.8, 血小板 20, 血色素 9.9, 中性白血球 2.36


唔知係唔係因為連續吊左2日鹽水，體內積存了好多水，老公竟然幾日間重左2公斤。之前營養師話老公太瘦，距離可接受的體重還差20lb。這次既磅數雖然係假像，但係都好開心，好耐冇見到老公有咁重。


後日就要打極重劑量的化療藥，之前因為血小板低冇打到背脊針，少左份保護，危險又高了一點，希望情況唔好急轉直下喇，開始有d擔心了。


經在瑪麗工作既姊妹再三督促，老公在吸波波運動，明顯有大幅改善，雖然距離要求仍有一大截，但都要讚賞一下佢既努力。其他運動就仍然一事無成....唉！


老公要加油，努力吸波波、吸波波、吸波波、吸波波、吸波波、吸波波、吸波波、吸波波、吸波波" 加油! 加油!


最新消息：岩岩問左護士，老公食完4日藥，打完3日針，再休息一日之後，就會移植捐贈者的骨髓，即係下星期二(16/11) 就係換血日喇～

正常血指數參考值：

名稱	參考值
血色素	13.5－18
白血球	4－11
血小板	130－440