DAY +33 意外就係咁發生咗

今是係第 33日，百日急性排斥的危險期，過了1/3。

以下是一則新聞報告:

<本報訊> 今晨9時許，將軍澳一個單位疑因煲湯沒有看火，險些釀成火災。事發事女戶主正在家中睡覺，男戶主在客廳上網。事件造成一時的恐慌，亦險些驚動消防員。幸得鄰居及時發現，阻止意外的發生。現場現在仍彌漫著濃烈的＂火羅＂味.....

-_-....今朝早在睡夢中起身煮早餐俾老公食，順便打算煲滾Ｄ湯放入真空煲。因為太眼瞓喇，所以煮好早餐，開咗火之後就叫老公食完早餐時再叫醒我。點知意外就係咁發生咗。

老公食完早餐，見我咁攰，所以就冇叫我，仲見廚房煲緊野成屋水蒸氣所以關左廚房門，自己就在上網。2小時後，老公突然黎到床邊大叫＂老婆，幣喇，煲湯煲燶咗！＂起初都唔知做咩，不過定一定神之後，就聞到超級濃烈既＂火羅＂味，再去廚房睇下，煙霧迷漫，成個煲黑哂，打開個煲蓋，簡直＂火羅＂到透唔到氣，跟住就聽到消防車既警號聲。

我同老公你眼望我眼，心想唔係咁大鑊吧。好彩，消防車唔係黎我地屋企，只係路過。

事後我訪問老公事發既經過，點解咁＂火羅＂都唔發現有問題。老公用左＂溫水煮蛙＂黎解釋點解會唔覺＂火羅＂。最後發覺有問題，是因為聽到鄰居在走廊議論紛紛查探邊家煲燶野同洗唔洗敲驚鐘。

間屋到依家都仲有D＂火羅＂味，個新買既真空煲就咁燒焦左，擦咗好耐都擦唔甩。好彩又有家務專家老爺仗義黎拯救返個煲。

今次總算不幸中之大幸，感謝主，我地以後會小心Ｄ，保持儆醒。
-------------------------------------------------------------------------------------------------------

熱烈祝賀好姊妹Jeanie第一本繪本完成，d 圖畫好靚仲好有意思。昨日出席唔到她新繪本既發佈會，真係可惜。我已託人幫我買一本，仲要加親筆簽名，希望快d到手就好喇。

以下是Jeanie的Blog，大家可以去欣賞一下她的靚靚作品：http://jeanieleung.com/index.html