DAY +35 緊急代禱事項!!

呢次大件事喇！天父救命呀！

岩岩送左老公去瑪麗急症室，老公仍然高燒39.2度。醫生說要留院觀察。我已告訴醫生老公是高危病人，要住隔離病房，醫生話佢住開隔離病房會安排返佢入住的。

照在肺X-光之後，就安排老上病房，但係唔係送去隔離病房，而係送左老公去舊院男內科病房內一張比正常擠迫既普通病床。所有病床都住滿公公伯伯，還有多人在咳嗽、吐痰呢！

於是我再次提出向護士提出老公岩岩換完骨髓，他在家中也要隔離的，出院時醫護都叮囑老公不可外出，不可吃街外的東西，就連用水喉水漱口也不行，屋企也要求一麈不染，也要不斷清潔消毒，這兒妯菌太多，是不是可以安排他入住隔離病房。護士說原本急症室是要求送20/F隔離病房的，但可能那邊冇房，所以送來內科，叫老公瞓一晚明天再算。

之後當值既醫生來為老公抽血，我再問醫生老公住呢度會唔會好危險，醫生說唔會有咩危險，冇問題的，戴返個口罩就得。我同醫生講佢出街，骨髓移植醫生要老公戴N95，老公是不是戴N95，醫生說會焗死佢，叫佢戴普通口罩就OK!

急死我喇！我同老公講，不如返屋企喇，咁辛苦做完移植，如果向度受感染就幣喇，老公燒到渾渾登登，只說＂老婆我唔得喇，我冇力郁喇，唔好攪我！＂之後就挖開自己個口罩瞓覺。我可以做既就係叫老公乖乖地唔好挖開個口罩。

好恐怖，好似去左難民營，床同床中間好迫，好像是原本6張床，夾硬塞在8張床，連床同床中間既布簾都唔係好拉到，四圍就係此起彼落既咳嗽聲或者儀器既DODO聲。老公發冷，我要求要多一張氈，護士說今日入左好多病人，已沒有氈了，連病人衫也沒有一套可以給老公穿。

點算？我們已無能為力，醫護人員也忙得要命，他們也意願難為，一切已不能由我們掌控，天父就求你保守老公可以安然渡過這個晚上，快些退燒，唔好受任何病菌感染；明天可以回家，即使不能回家，也希望可調回血科既病房。天父我們只可依靠祢，我信祢，求你聽我們的禱告，阿門！

今日去到病房時見到有一張病床圍滿了家屬，過了一會就見到家屬們都傷心地走出房外，病床亦圍上了屏風。不知道他信了主沒有呢？求神都安慰他的家人。

08:30 高燒仍然未退，更超過40度。多謝弟兄姊妹的愛心支持，骨髓移植全港只有瑪麗醫院一家醫院做，今日會再看看會否可遷房。

15:00 老公燒稍退了，現在37.8度，但開始肚瀉。血指數急升，小白34.87, 小色 10.1, 小板 73, 小中 32.78。在沒有打小白針的情況下升到過左正常，我們也不知是好定壞，是正常還是不正常。

有一件比較安慰的事，這個病房的主任醫生，也是血科的醫生，有他睇住老公，都安心一點。血科實在沒有床位，所以老公都係要繼續住向艱民營。

19:00 昨日人山人海的病房，到了傍晚，出奇地一個一個的出院、轉院，最後老公附近的6張床就只剩一個病人，雖然轉唔到房，但感染既機會又低左D，感謝主。

都唔敢奢求老公聖誕可以出院，只希望佢唔好發燒、唔好肚瀉、唔好感染、唔好排斥，都好多野想，真係貪心～=P