DAY +30 超凍的覆診日

今日係首次覆診既大日子，同時遇上冷冷的天氣，真係有點狼狽。

今日一早天寒地凍，老爺就去薄扶林區晨運，好勁的為老公取得第一位。

我同老公一早6點幾就起身食早餐，要離開暖笠笠既被窩真係好唔捨得。食完早餐就CALL的士，唔知係唔係天氣凍好多人都搭的士，CALL左半小時也沒有車，我地只好硬著頭皮自己落街找的士，由我家行去的士站都要成10分鐘，沿途都冇的士，去到的士站，情況仲慘烈，長長的人龍卻沒有一輛車。於是我同老公就分頭，佢向的士站等，我就去第度截，好彩到差不多7:50終於上到車。如果我之前的起心肝去學車，今日既事就唔會發生喇，我要付諸行動先得。

預約的時間是8:30，向的士既時候都有一點焦急，老爺一早咁辛苦幫我地拎左個第一，我地遲到就浪費了老爺的心機。好好彩去到病房的時候是8:45，護士岩岩開始叫名抽血。抽完血等到11:00，驗血報告就出來了。

今天的成績表　小白4.61,  小中 3.74, 小色 11.1, 小板 55。

醫生說除了小板升得慢了，其他也算OK，老公其他不適情況有改善，醫生說不錯。

所以今日順利地覆完診，拎完藥，我地就走得LU。

碰巧老友"勇仔"放假，佢車我地走...唔洗再找的士吹吹風。