昨日瑪麗醫院的護士打電話俾老公話星期一詳細的驗血報告出左，報告顯示抗體濃度低，所以醫生要老公加服一倍免疫抑制劑 cyclosporine A(CsA,環孢素A)，由每日食一次，加至每日兩次。環孢素A的副作用係會影響腎，上次腎功能唔理想，醫生就減左食環孢素既份量。今次腎功能PASS，又到抗體濃度不足，好複雜...希望唔好醫得頭又顧唔到腳喇。
我工作既小機構一直人手都唔係好多，依家我地共有4個人。我D同事都好好，之前我成日請假，佢地都會幫手頂住，仲叫我放心照顧老公唔洗擔心工作既事。最近，佢地都禍不單行，1個發燒，1個感冒菌入腸，今日最後1個都因為要避3隻狗而炒單車，傷左隻手。後日就開始年宵，在傷病中既同事仍然記掛著工作，在多番勸告下仍然帶病力撐，身體稍為好轉就急住返工。真係令人擔心佢地會捱壞。各位辛苦哂！保重保重！
近來流感都好流行，天氣又轉涼，各位都要小心保重呀！
識多一點點：
褫奪
拼音 [chiduo] 注音 [ㄔˇㄉㄨㄛˊ]
看漢科技提供to strip off; to deprive...
記念章魚既健康, 也求神保守你及同事年宵順利, 大家都盡快康復.
回覆刪除對呀，流感流行，車廂中有很多人咳以及包雲吞，今早逼火車時還被一位兄台面對面咳過來，無遮無擋，只是自己念念有詞的說「唉，濁親添」！這些控制不到的都是交給主好了。
回覆刪除願主保守潔明和她共事的同事健康，可以不用帶病工作，受傷的可快點痊癒。
願主加力給 Chan yu，緩和他的腹痛；賜智慧給醫生，在藥物方面作合適的安排，讓身體機能可以快點回復；賜平安給 Chan yu 和他一家，讓這個單單信靠祢的弟兄能夠經歷祢的同在。
祢的同在是我們的力量，求主加增我們信心，不用處處要看到證據就能夠順服，單單渴慕祢，向大信之路進發。禱告奉主名求，阿門。
彬
為章魚太太的同事感恩，
回覆刪除給她們夫婦很多的愛心，
求神親自報答賜福他們！
記念他們得醫治及早日康復，
在年宵擺賣中有很好的成績，
上下齊開心豐足歡慶迎兔年！
1/99