踏入DAY +56，老公係唔係真係可以出院仲係一個謎，因為唔知點解，昨日（今朝）抽血的結果，到晚上仍然未有。
好緊張呀，為左作最好準備迎接大王，我已經打掃好屋企，仲買定料，準備早上返工前煲定湯。除左我，老爺奶奶亦準備就緒，買定菜，準備煮餐好既俾老公。不過當然經過咁多次空歡喜既經驗，我地都打定底，除左做好準備迎接大王回歸，同時亦做好事情突變既準備既。當然好好好好希望我地準備既野冇白費喇！
老公一向都是穩陣既人，雖然我知佢心入面好想快Ｄ返屋企，但係當我同佢講：＂好野，聽日就出院喇。＂佢就會答：＂唔好咁開心住，真係出到先算，不如你為我出院祈禱先喇。＂
面對出院機會，我們都有唔同既取態，欲知老公係唔係真係可以出院，請看下回分解！
09:00 小醫生巡房，終於知道昨日的驗血結果 小白2.57 小中1.81 小板 44 小色 10.9
小白同小中比上星期四那次驗血低了很多...小白跌了 2, 由4以上跌至2.57，小中亦由上
次 3.79 跌至1.81。點解升升下會跌左呢？要等主診醫生巡房先知道......
13:00 老公已獲批出院，正收拾行裝等取藥， 應該唔會有咩阻滯吧！ 哈哈，感謝天父。
16:00 大王已抵達寢宮
早晨, 如章魚所說, 先為他能平安出院祈禱先吧!!!
回覆刪除今早起床前已經和 Sandy 為你出院安排禱告~
回覆刪除願神保守帶領!
各人以平安的心來迎接報告結果~
彬
我知點解不升反跌啦！因為這段日子冇啖好食，冇營養囉！另外，以過去的經驗心情都好影響小白、小中他們，好似上次去完馬交，狀態有好番DD...你話係唔係？我想如大王順利出院，小白、小中等會天天在家好食好住，一定會升番的。
回覆刪除期待醫生話：雖然指數跌了，但冇問題，回家啦！我們要把病床留給其他更有需要的病人啊！
匿名朋友
匿名朋友，給你十個讚。欣賞夠冷靜。也體貼其他病人需要。
回覆刪除小白、小中朋友們，加油同章魚體內的朋友打好關係。今晚潔明及世伯伯母會厚待你們。指數們努力加油﹗
章魚，恭喜回歸將軍澳﹗
謝謝CLARE的十個讚:)
回覆刪除好嘢！好嘢！出院啦！出院啦！
相信大王回到由王后親自收拾的皇宮、喝王后親自烹調的台筍靚湯，加上父王和王太后的各項安排，身上的小白、小中、小色、小皮都會乖乖成長，未來的44天，會一路精靈:)
相信大王微服難民營，體察完民間情況後，回到皇宮，定須時間適應過來。期待大王早日出巡BLOG和MSN，很快見:)
匿名朋友
可以回皇宮了嗎？真係好！！
回覆刪除好好的和父王、母后和皇后一同筵席吧，慢慢吃，吃出好味來～
今晚很冷，但神要用家的溫暖來圍繞你。加油！
恭喜你可以出院回家休息！
回覆刪除願天父保守你的腳步安全回家，以及順利 settle down。奉主名求，阿門。
太好了, 感謝主.
回覆刪除除了休息外，
回覆刪除記得好好享受皇宮的美味，
最好慢慢嘆，
養個白胖的身體。
小白、小中、小色、小板穩步升，
開心愉快好過年！
1/99
放心啦, 返左屋企後, 心情都好D,人都自左D,胃口都好一點...小中小白會正常運作.
回覆刪除章魚生, 加油呀! 要吃多一點,睡多一點呀!!
Chan yu：
回覆刪除今天是很冷的一天，從昨晚起天文台已經定義為嚴寒。我預算你會在家「冬眠」的了。好好休息，瞓暖張床，不用心急上來打blog。 為你在家的起居飲食、作息、健康禱告，讓主在家裏繼續醫治你。
彬
經文: 「無論何時你們看見自己被各樣試煉圍困了，都要以為大喜樂。因為知道你們的信心經過試驗，就生忍耐。」（亞一2~3，衛莫司譯本）
為你能出院回家休息感恩，唔洗再驚醫院啲病菌了。在家中好好休息，100大關好快會過的了。為你們祈禱﹗
回覆刪除徐