DAY +66 老公精神不太好

老公今日精神不太好，成日都要瞓覺。佢話佢身心都好累，冇咩心機。唔知係唔係唔夠血呢？原本星期四去東區醫院係要輸兩包血，因為唔夠所以只輸左一包，下星期一去瑪麗醫院覆診先再算LU。

呢排流感咁強勁，如果老公有咩事要入院，一定冇隔離床位要住大房，大房個個流感，咁就好易感染喇，所以老公一要好好保重唔好要入院呀！

老公話佢好耐都冇食過蛋糕，因為骨髓移植病人飲食指引話，所有蛋糕餅干，即使係獨立包裝既都唔可以食。老公好鍾意食蛋糕GA, 特別係心太軟。星期一覆診時，我多口問醫生，如果自己即焗即食既蛋糕食唔食得，醫生竟然話可以WOO, 不過唔可以有CREAM/朱古力漿等流質既成份。

為左一嚐老公的願望，所以尋日我地用新買既焗爐整左Ｄ簡單既朱古力蛋糕仔，雖然冇流心朱古力，但係都好過冇得食。老公都食得好開心，我都食得好開心。