今天覆診， 今早六點半到醫院，至今仍未可離開， 因為今天臨時很多項目要進行。
今天的驗血結果仍然不理想，小白、小中不達標，要再打小白針， 另有一隻藥由口服改為吊藥， 一星期需到醫院三天，年三十和初二也要吊。今天也要吊，剛開始， 約吊三至四個小時。今天也要吸防白肺藥，所以超忙。
今天看病人一批批入房吸藥，大家拎住支管吸，就好像是集體吸鴉片煙咁，令我想起巾幗的九姑娘。
雖然要常出入醫院，但不用住院也很開心, 回家渡歲了
2011年1月31日星期一
2011年1月30日星期日
DAY +74, 75 明天覆診
這兩天都是跟灼公吃過早餐就走人，晚上返到家，老公都瞓左，老公說這兩天都比較攰，大部份時間都是卧床休息，胸口有Ｄ痛，皮膚有ＤＤ疹。明天會同老公返瑪麗覆診，唔知仲可唔可以放假回家過年呢，希望可以喇。
這兩天在年宵都順利，仲見到好多弟兄姊妹，多謝大家的支持。在年宵時唔覺，回家就覺得雙腳很累，就像個半身不遂的病人，行唔郁，哈哈^^。仲有3日年宵就完，又到新年，新年新氣象，YEAH！
多謝大KING(真正的大王)及其夫人的愛心靚湯,在年宵嗌到好口喝，有湯飲真好，謝謝。
這兩天在年宵都順利，仲見到好多弟兄姊妹，多謝大家的支持。在年宵時唔覺，回家就覺得雙腳很累，就像個半身不遂的病人，行唔郁，哈哈^^。仲有3日年宵就完，又到新年，新年新氣象，YEAH！
多謝大KING(真正的大王)及其夫人的愛心靚湯,在年宵嗌到好口喝，有湯飲真好，謝謝。
2011年1月28日星期五
DAY +73 一切安好
老公今日好乖，一切安好。
昨日收到山區一間學校的求助信，有一個高三的女同學，前幾日突然被發現患上急性白血病。在國內沒有像香港一樣的醫療福利，要治療血癌，需要付出的費用對一個普通的家庭來說是非常吃力的，對山區農村的家庭來說更是天文數字，更要長途跋涉才可以去到城市的醫院治療。
相比起這個女生，老公的情況算是十分好了，老公跟他患同一個病，但他身處香港，有醫療福利、有公司醫療保險、有方便的交通、有愛他的家人、有愛他的姊兄姊妹、有愛他的朋友專業的醫護、更有神的保守。雖然我們都不是貪心的人，但這個學生的事，再次提醒我們要知足，要感恩，要努力去與病魔搏鬥。
同學加油！老公加油！
昨日收到山區一間學校的求助信，有一個高三的女同學，前幾日突然被發現患上急性白血病。在國內沒有像香港一樣的醫療福利，要治療血癌，需要付出的費用對一個普通的家庭來說是非常吃力的，對山區農村的家庭來說更是天文數字，更要長途跋涉才可以去到城市的醫院治療。
相比起這個女生，老公的情況算是十分好了，老公跟他患同一個病，但他身處香港，有醫療福利、有公司醫療保險、有方便的交通、有愛他的家人、有愛他的姊兄姊妹、有愛他的朋友專業的醫護、更有神的保守。雖然我們都不是貪心的人，但這個學生的事，再次提醒我們要知足，要感恩，要努力去與病魔搏鬥。
同學加油！老公加油！
2011年1月27日星期四
DAY +72 將大王交託
今日老公比較疲倦，吃過晚飯便去睡了。
明天起要開始年宵作戰，所以網誌會比較簡潔，將會重點報告老公情況，請大家繼續一起幫忙為我老公加油！為我老公代禱！
老爺奶奶，明天起一連6日就辛苦你們照顧老公喇。老公，呢幾日你要乖乖，加油呀！
明天起要開始年宵作戰，所以網誌會比較簡潔，將會重點報告老公情況，請大家繼續一起幫忙為我老公加油！為我老公代禱！
老爺奶奶，明天起一連6日就辛苦你們照顧老公喇。老公，呢幾日你要乖乖，加油呀！
2011年1月26日星期三
DAY +71 保重保重
老公今日個肚有D唔舒服，間中會隱隱作痛，休息過後已經好一點。其他方面都不錯，仲識取笑我唔識寫＂禠＂奪個＂褫＂字。哼～佢再取笑我，我就要＂禠奪＂佢大王既權利。
昨日瑪麗醫院的護士打電話俾老公話星期一詳細的驗血報告出左，報告顯示抗體濃度低，所以醫生要老公加服一倍免疫抑制劑 cyclosporine A(CsA,環孢素A)，由每日食一次，加至每日兩次。環孢素A的副作用係會影響腎，上次腎功能唔理想，醫生就減左食環孢素既份量。今次腎功能PASS，又到抗體濃度不足，好複雜...希望唔好醫得頭又顧唔到腳喇。
我工作既小機構一直人手都唔係好多，依家我地共有4個人。我D同事都好好，之前我成日請假，佢地都會幫手頂住，仲叫我放心照顧老公唔洗擔心工作既事。最近，佢地都禍不單行，1個發燒，1個感冒菌入腸，今日最後1個都因為要避3隻狗而炒單車，傷左隻手。後日就開始年宵，在傷病中既同事仍然記掛著工作，在多番勸告下仍然帶病力撐，身體稍為好轉就急住返工。真係令人擔心佢地會捱壞。各位辛苦哂！保重保重！
近來流感都好流行，天氣又轉涼，各位都要小心保重呀！
識多一點點：
褫奪
昨日瑪麗醫院的護士打電話俾老公話星期一詳細的驗血報告出左，報告顯示抗體濃度低，所以醫生要老公加服一倍免疫抑制劑 cyclosporine A(CsA,環孢素A)，由每日食一次，加至每日兩次。環孢素A的副作用係會影響腎，上次腎功能唔理想，醫生就減左食環孢素既份量。今次腎功能PASS，又到抗體濃度不足，好複雜...希望唔好醫得頭又顧唔到腳喇。
我工作既小機構一直人手都唔係好多，依家我地共有4個人。我D同事都好好，之前我成日請假，佢地都會幫手頂住，仲叫我放心照顧老公唔洗擔心工作既事。最近，佢地都禍不單行，1個發燒，1個感冒菌入腸，今日最後1個都因為要避3隻狗而炒單車，傷左隻手。後日就開始年宵，在傷病中既同事仍然記掛著工作，在多番勸告下仍然帶病力撐，身體稍為好轉就急住返工。真係令人擔心佢地會捱壞。各位辛苦哂！保重保重！
近來流感都好流行，天氣又轉涼，各位都要小心保重呀！
識多一點點：
褫奪
拼音 [chiduo] 注音 [ㄔˇㄉㄨㄛˊ]
看漢科技提供to strip off; to deprive...
2011年1月25日星期二
DAY +70 第七十天食團年飯
今日是第70天，起起跌跌之下又到了第70天，日子即使難過，亦都係會過既。我以前考試成日都係臨急先溫習，所以考試期間就最痛苦，但係無論幾辛苦，考試考成點，都會有考完既一日，考完又可以好開心咁繼續做懶人 ^^
因為星期五開始我要忙於攪機構在維園既年宵，所以至年初一前都唔知有冇時間可以回家食晚飯，所以今日會提早同老爺奶奶一齊食團年飯。
上年老公年三十晚也在醫院，探完老公之後，同老爺奶奶&同細佬去食團年飯，老爺奶奶俾我同細佬揀食咩，最後我地揀左去我地最愛既KFC食團年飯，4個人食左好多野。^^
因為星期五開始我要忙於攪機構在維園既年宵，所以至年初一前都唔知有冇時間可以回家食晚飯，所以今日會提早同老爺奶奶一齊食團年飯。
上年老公年三十晚也在醫院，探完老公之後，同老爺奶奶&同細佬去食團年飯，老爺奶奶俾我同細佬揀食咩，最後我地揀左去我地最愛既KFC食團年飯，4個人食左好多野。^^
 |
| 上一年的團年飯 |
2011年1月24日星期一
DAY +69 再創新低
今日覆診完畢，驗血結果：小白2.79 ，小色 9.0，小中 0.8，小板39
小中跌破1, 醫生說可能是某一隻藥影響了血細胞生長，亦有可能是復發，今天起停服有關藥物，看看下星期的結果有否改善。另外，因為指數跌左，今天打了一支小白針，亦要開始服抗生素，以防萬一。腎功能指數已回覆正常，但血壓再創新高，一百七十幾，要加量血壓藥。下星期一覆診，今天可以回家。
雖然指數未如理想，但係可以續期，繼續留在家，都算不錯了，一星期又一星期，好快就一個月，兩個月，三個月，半年，一年，二年，五年，十年，五十年.....
小中跌破1, 醫生說可能是某一隻藥影響了血細胞生長，亦有可能是復發，今天起停服有關藥物，看看下星期的結果有否改善。另外，因為指數跌左，今天打了一支小白針，亦要開始服抗生素，以防萬一。腎功能指數已回覆正常，但血壓再創新高，一百七十幾，要加量血壓藥。下星期一覆診，今天可以回家。
雖然指數未如理想，但係可以續期，繼續留在家，都算不錯了，一星期又一星期，好快就一個月，兩個月，三個月，半年，一年，二年，五年，十年，五十年.....
2011年1月23日星期日
DAY +68 明天又是覆診日
今日是休息日，同老公齊齊叉電。食完瞓、瞓完又食。中間加插少少家務，都幾開心。
聽日又返瑪麗醫院覆診，程序又是
05:00 起身，食早餐、煲湯、call 的士
06:00 出發
06:45 到達QMH，去門診簽名排隊
07:00 去starbuck休息飲coffee
08:30 返門診抽血
09:00 再返starbuck 飲coffee
11:30 返回門診等叫名見醫生
12:00 順利既話會見到醫生，醫生宣判
12:30 冇特別既事就去排隊拎藥
13:30 拎藥、結帳(一般等拎藥又等最少1個鐘)、call 的士
14:00前應該可以離開醫院
希望明天一切順利，老公可以回家喇。
聽日又返瑪麗醫院覆診，程序又是
05:00 起身，食早餐、煲湯、call 的士
06:00 出發
06:45 到達QMH，去門診簽名排隊
07:00 去starbuck休息飲coffee
08:30 返門診抽血
09:00 再返starbuck 飲coffee
11:30 返回門診等叫名見醫生
12:00 順利既話會見到醫生，醫生宣判
12:30 冇特別既事就去排隊拎藥
13:30 拎藥、結帳(一般等拎藥又等最少1個鐘)、call 的士
14:00前應該可以離開醫院
希望明天一切順利，老公可以回家喇。
2011年1月22日星期六
DAY +67 充電章魚
好野，又放假喇。
老公今日都係瞓瞓瞓，佢話個頭唔係好舒服，總之就係唔係好舒服。就好似充電芯咁，充下電又可以活動一陣咁，不過呢個充電章魚壞壞地，充電時間較長，活動時間較短。希望慢慢會自己好返，慢慢進步。
聽日又到主日喇，老公成日都好希望可以返崇拜，不過暫時都唔可以返住，可以同弟兄姊妹一起敬拜神原來不是理所當然的，我地先在家中敬拜，希望可以快Ｄ在教會見到大家喇。
老公今日都係瞓瞓瞓，佢話個頭唔係好舒服，總之就係唔係好舒服。就好似充電芯咁，充下電又可以活動一陣咁，不過呢個充電章魚壞壞地，充電時間較長，活動時間較短。希望慢慢會自己好返，慢慢進步。
聽日又到主日喇，老公成日都好希望可以返崇拜，不過暫時都唔可以返住，可以同弟兄姊妹一起敬拜神原來不是理所當然的，我地先在家中敬拜，希望可以快Ｄ在教會見到大家喇。
2011年1月21日星期五
DAY +66 老公精神不太好
老公今日精神不太好，成日都要瞓覺。佢話佢身心都好累，冇咩心機。唔知係唔係唔夠血呢？原本星期四去東區醫院係要輸兩包血，因為唔夠所以只輸左一包，下星期一去瑪麗醫院覆診先再算LU。
呢排流感咁強勁，如果老公有咩事要入院，一定冇隔離床位要住大房，大房個個流感，咁就好易感染喇，所以老公一要好好保重唔好要入院呀！
為左一嚐老公的願望，所以尋日我地用新買既焗爐整左Ｄ簡單既朱古力蛋糕仔，雖然冇流心朱古力，但係都好過冇得食。老公都食得好開心，我都食得好開心。
呢排流感咁強勁，如果老公有咩事要入院，一定冇隔離床位要住大房，大房個個流感，咁就好易感染喇，所以老公一要好好保重唔好要入院呀！
老公話佢好耐都冇食過蛋糕，因為骨髓移植病人飲食指引話，所有蛋糕餅干，即使係獨立包裝既都唔可以食。老公好鍾意食蛋糕GA, 特別係心太軟。星期一覆診時，我多口問醫生，如果自己即焗即食既蛋糕食唔食得，醫生竟然話可以WOO, 不過唔可以有CREAM/朱古力漿等流質既成份。
2011年1月20日星期四
DAY +65 指數再跌
今早老公去東區醫院輸血，見到熟識的姑娘及醫生當然開心喇～個個都問候佢。
今早驗血結果：小白1.8 小色7.3 小板 36 。比起星期一的結果又跌了一截。
老公對輸血結果有點擔心，擔心是不是復發。不是親身經歷，很難真正感受到他的擔心和焦慮，所以老公要加油，祈求天父賜予平安給老公。
病況的事，起起跌跌，而且已超出我們認知的範圍，多想冇益，既然身體沒有多大的不適，便珍惜自由的每一天，好好享受吧！
今早驗血結果：小白1.8 小色7.3 小板 36 。比起星期一的結果又跌了一截。
老公對輸血結果有點擔心，擔心是不是復發。不是親身經歷，很難真正感受到他的擔心和焦慮，所以老公要加油，祈求天父賜予平安給老公。
病況的事，起起跌跌，而且已超出我們認知的範圍，多想冇益，既然身體沒有多大的不適，便珍惜自由的每一天，好好享受吧！
2011年1月19日星期三
DAY +64 明天到東區醫院
老公今日除左覺得攰D之外，一切都不錯，嘻嘻！
明天就返東區醫院輸血，好似好耐冇返去咁，又有D返娘家既感覺，仲有D期待TIM。
因為老公之前拆左喉仔，所以依家每次返醫院都要吉手臂抽血，仲要種豆輸血同其他藥，明天要輸２包血，都要輸８個鐘，唔小心整親粒豆就痛死佢。
小小苦楚等於激勵！不過小小苦楚就好了，唔好再有大痛苦，頂唔順GA LA ～^^
明天就返東區醫院輸血，好似好耐冇返去咁，又有D返娘家既感覺，仲有D期待TIM。
因為老公之前拆左喉仔，所以依家每次返醫院都要吉手臂抽血，仲要種豆輸血同其他藥，明天要輸２包血，都要輸８個鐘，唔小心整親粒豆就痛死佢。
小小苦楚等於激勵！不過小小苦楚就好了，唔好再有大痛苦，頂唔順GA LA ～^^
2011年1月18日星期二
DAY +63 細佬做大廚
昨晚因為是我媽媽生日，所以我出左去食飯；碰巧奶奶又唔係好舒服，要留向屋企休息，而老爺又要工作，所以晚餐竟然要由細佬負責。
細佬煮的絕對不是公仔面餐，而是兩餸一飯，加埋我已煲落既湯既正飯餐。聞說連老爺奶奶都未食過細佬煮既正飯，唔知係唔係佢第一次下廚。
細佬煮了紅燒薯仔燘豬肉，白灼豆苗。老公說也不錯。細佬好野！
可能老公之前向醫院冇啖好食，依家食親咩都話幾好，細佬同我呢D擺明亂撞整出黎既製成品，佢都會話OK，呢次真係人人做大廚。^^
老公今日頭痛比較勁，吃了止痛藥已好轉，快Ｄ冇事就好了。
細佬煮的絕對不是公仔面餐，而是兩餸一飯，加埋我已煲落既湯既正飯餐。聞說連老爺奶奶都未食過細佬煮既正飯，唔知係唔係佢第一次下廚。
細佬煮了紅燒薯仔燘豬肉，白灼豆苗。老公說也不錯。細佬好野！
可能老公之前向醫院冇啖好食，依家食親咩都話幾好，細佬同我呢D擺明亂撞整出黎既製成品，佢都會話OK，呢次真係人人做大廚。^^
老公今日頭痛比較勁，吃了止痛藥已好轉，快Ｄ冇事就好了。
2011年1月17日星期一
DAY +62 覆診PASS！
有著上一次截唔到車既教訓，今日一早同老公食完早餐就喇喇聲CALL 車去醫院，順利到達，仲早左一個鐘到。
我去左STARBUCK飲咖啡，老公就向STARBUCK聞咖啡。9點幾抽完血，再等到12點，終於可以見醫生，向等見醫生既時候，我見老公都有一點既緊張，因為見到有病人見完醫生之後，需即時監禁（即時入院）。
驗血報告雖然唔係好靚仔，有小小唔合格，但係都未到要留院，所以老公可以回家一星期，下星期覆診。而呢個星期四就要返東區醫院輸2包血。趁呢個機會可以探下東區的醫護，雖然之前東區既主診醫生已離開左東區，去左英國深造，但見下Ｄ姑娘都好。哈哈^^
今日既驗血結果：小白2.2, 小色8.5, 小板 40, 小中 1.7。
除左驗血結果有dd問題，亦發現血壓偏高及腎功能差D，醫生說可能是藥物影響，要多觀察，醫生減去一些非必要既藥，同時亦開左血壓藥，希望慢慢會正常返喇。
至於老公心跳加速、出汗，痾嘔等問題，醫生說應該唔關個心事既，暫時唔知咩事，繼續注意一下，睇下唔會唔再發生。
好野好野...感謝天父的保守。
我去左STARBUCK飲咖啡，老公就向STARBUCK聞咖啡。9點幾抽完血，再等到12點，終於可以見醫生，向等見醫生既時候，我見老公都有一點既緊張，因為見到有病人見完醫生之後，需即時監禁（即時入院）。
驗血報告雖然唔係好靚仔，有小小唔合格，但係都未到要留院，所以老公可以回家一星期，下星期覆診。而呢個星期四就要返東區醫院輸2包血。趁呢個機會可以探下東區的醫護，雖然之前東區既主診醫生已離開左東區，去左英國深造，但見下Ｄ姑娘都好。哈哈^^
今日既驗血結果：小白2.2, 小色8.5, 小板 40, 小中 1.7。
除左驗血結果有dd問題，亦發現血壓偏高及腎功能差D，醫生說可能是藥物影響，要多觀察，醫生減去一些非必要既藥，同時亦開左血壓藥，希望慢慢會正常返喇。
至於老公心跳加速、出汗，痾嘔等問題，醫生說應該唔關個心事既，暫時唔知咩事，繼續注意一下，睇下唔會唔再發生。
好野好野...感謝天父的保守。
2011年1月16日星期日
DAY +61 明天覆診
今早因為我懶惰賴床，冇起身煮早餐俾老公食。老公見我死都唔肯起身，冇得食，最後只好自己去開罐加營素飲頂肚。點知飲完瞓返上床，心跳就不斷加快，仲成頭大汗，之後就去左嘔....嘔完仲瀉添，成罐加營素就咁化為烏有，好恐怖，嚇死我。
幸好老公休息左一陣之後，都算回復正常。如果老公一直個心不斷加快加快咁跳跳跳，我都諗住打999叫救護車。聽日要記得向醫生匯報呢件事先得！我以後都唔敢偷懶做爛瞓豬喇。
老公話覺得自己Ｄ手手腳腳白左冇咩血色，唔知係唔係Ｄ指數繼續不斷下跌。不過估都冇用，估唔到既，聽日覆診就知喇。希望冇事，一必順利喇。天父求你保守。
聽日一早要去覆診，仲好似話會好凍，我會打包好隻章魚，暖暖的帶他去醫院！又要辛苦老爺晨早幫我地去醫院簽名。要瞓LU，為明天覆診好好準備及祈禱。晚安！
幸好老公休息左一陣之後，都算回復正常。如果老公一直個心不斷加快加快咁跳跳跳，我都諗住打999叫救護車。聽日要記得向醫生匯報呢件事先得！我以後都唔敢偷懶做爛瞓豬喇。
老公話覺得自己Ｄ手手腳腳白左冇咩血色，唔知係唔係Ｄ指數繼續不斷下跌。不過估都冇用，估唔到既，聽日覆診就知喇。希望冇事，一必順利喇。天父求你保守。
聽日一早要去覆診，仲好似話會好凍，我會打包好隻章魚，暖暖的帶他去醫院！又要辛苦老爺晨早幫我地去醫院簽名。要瞓LU，為明天覆診好好準備及祈禱。晚安！
2011年1月15日星期六
DAY +60 第六十天
今日是第六十日，距離渡過百日排斥期又近了一步。
老公胃口已大致回復， 精神一般， 間中有點頭痛。
今日我跟老公也是冬眠日， 除了吃便是睡。有老公在身旁，睡得特別好。哈哈，飯也不想起身煮。
老公要乖乖保養身體， 以後繼續跟我一起渡過無數的冬天！
老公胃口已大致回復， 精神一般， 間中有點頭痛。
今日我跟老公也是冬眠日， 除了吃便是睡。有老公在身旁，睡得特別好。哈哈，飯也不想起身煮。
老公要乖乖保養身體， 以後繼續跟我一起渡過無數的冬天！
2011年1月14日星期五
DAY +59 遲來的聖誕及新年大餐
今日星期五，聽日唔洗返工，所以今日補返一個聖誕及新年大餐。
菜單包括：
餐湯：蕃茄薯仔瘦肉湯
前菜：澳州和牛（太餓一煮左就食左落肚，冇影低）
主菜：洋蔥薯仔香草焗羊架、配磨菇南瓜意大利飯
餐飲：綠寶橙汁
甜品：因為已經好甜，所以唔洗食
老公俾分：85分
希望老公一陣唔會肚痛、喉嚨痛或者牙痛喇！
2011年1月13日星期四
DAY + 58 在家的日子
老公現在每天8時起身吃早餐，上上網，之後就再瞓覺。
瞓醒約１時就食午餐，看看電視，之後就再瞓覺。
瞓醒約4時就飲湯食下午茶，打打機，之後休息一下。
休息完7時就吃晚餐。
晚餐後，看看電視，沖沖涼，之後晚上11:00又是就寢的時間了。
看似很悠閒的生活，好像令人羨慕。但係要捱左咁多辛苦先換得呢小小悠閒，我就情願不要悠閒了，唔知老公點睇呢？
瞓醒約１時就食午餐，看看電視，之後就再瞓覺。
瞓醒約4時就飲湯食下午茶，打打機，之後休息一下。
休息完7時就吃晚餐。
晚餐後，看看電視，沖沖涼，之後晚上11:00又是就寢的時間了。
看似很悠閒的生活，好像令人羨慕。但係要捱左咁多辛苦先換得呢小小悠閒，我就情願不要悠閒了，唔知老公點睇呢？
2011年1月12日星期三
DAY +57 在家千日好
老公昨日出院回家，在醫院走去上的士也沒甚麼氣力，好不容易回到家，老公當然開心，但係由於身體比較虛弱，也沒有過多的喜悅之色。
今日老公經過一日的休息，狀態好了很多，胃口也漸漸回復，真係好。
老公終於有熱熱的飯菜吃，終於可沖一個熱水涼，終於可以在冷冷的天氣躲在暖笠笠的被窩，終於可以睇電視，終於可以關燈靜靜的瞓覺，終於可以間中除下口罩吸一口氣。真係好感動，好開心，感謝主！
老公下星期一先再需要回醫院覆診，上次出院8大天便因發燒回去住了21天。希望今次在家的日子可以長一點，唔好再因發燒／肚瀉／嘔吐／敏感等等等不能預計既不適而要再入院喇。
我地會努力照顧到老公最好，但最重要都是要求神施恩保守，請大家有時間也繼續禱告記念喇！
大王已去就寑，奴婢也要告退了，晚安！^^
將榮耀頌讚歸於愛我地既天父~
今日老公經過一日的休息，狀態好了很多，胃口也漸漸回復，真係好。
老公終於有熱熱的飯菜吃，終於可沖一個熱水涼，終於可以在冷冷的天氣躲在暖笠笠的被窩，終於可以睇電視，終於可以關燈靜靜的瞓覺，終於可以間中除下口罩吸一口氣。真係好感動，好開心，感謝主！
老公下星期一先再需要回醫院覆診，上次出院8大天便因發燒回去住了21天。希望今次在家的日子可以長一點，唔好再因發燒／肚瀉／嘔吐／敏感等等等不能預計既不適而要再入院喇。
我地會努力照顧到老公最好，但最重要都是要求神施恩保守，請大家有時間也繼續禱告記念喇！
大王已去就寑，奴婢也要告退了，晚安！^^
將榮耀頌讚歸於愛我地既天父~
2011年1月11日星期二
DAY +56 下回分解
踏入DAY +56，老公係唔係真係可以出院仲係一個謎，因為唔知點解，昨日（今朝）抽血的結果，到晚上仍然未有。
好緊張呀，為左作最好準備迎接大王，我已經打掃好屋企，仲買定料，準備早上返工前煲定湯。除左我，老爺奶奶亦準備就緒，買定菜，準備煮餐好既俾老公。不過當然經過咁多次空歡喜既經驗，我地都打定底，除左做好準備迎接大王回歸，同時亦做好事情突變既準備既。當然好好好好希望我地準備既野冇白費喇！
老公一向都是穩陣既人，雖然我知佢心入面好想快Ｄ返屋企，但係當我同佢講：＂好野，聽日就出院喇。＂佢就會答：＂唔好咁開心住，真係出到先算，不如你為我出院祈禱先喇。＂
面對出院機會，我們都有唔同既取態，欲知老公係唔係真係可以出院，請看下回分解！
09:00 小醫生巡房，終於知道昨日的驗血結果 小白2.57 小中1.81 小板 44 小色 10.9
小白同小中比上星期四那次驗血低了很多...小白跌了 2, 由4以上跌至2.57，小中亦由上
次 3.79 跌至1.81。點解升升下會跌左呢？要等主診醫生巡房先知道......
13:00 老公已獲批出院，正收拾行裝等取藥， 應該唔會有咩阻滯吧！ 哈哈，感謝天父。
16:00 大王已抵達寢宮
好緊張呀，為左作最好準備迎接大王，我已經打掃好屋企，仲買定料，準備早上返工前煲定湯。除左我，老爺奶奶亦準備就緒，買定菜，準備煮餐好既俾老公。不過當然經過咁多次空歡喜既經驗，我地都打定底，除左做好準備迎接大王回歸，同時亦做好事情突變既準備既。當然好好好好希望我地準備既野冇白費喇！
老公一向都是穩陣既人，雖然我知佢心入面好想快Ｄ返屋企，但係當我同佢講：＂好野，聽日就出院喇。＂佢就會答：＂唔好咁開心住，真係出到先算，不如你為我出院祈禱先喇。＂
面對出院機會，我們都有唔同既取態，欲知老公係唔係真係可以出院，請看下回分解！
09:00 小醫生巡房，終於知道昨日的驗血結果 小白2.57 小中1.81 小板 44 小色 10.9
小白同小中比上星期四那次驗血低了很多...小白跌了 2, 由4以上跌至2.57，小中亦由上
次 3.79 跌至1.81。點解升升下會跌左呢？要等主診醫生巡房先知道......
13:00 老公已獲批出院，正收拾行裝等取藥， 應該唔會有咩阻滯吧！ 哈哈，感謝天父。
16:00 大王已抵達寢宮
2011年1月10日星期一
DAY +55 明天可以出院?
醫生今日同老公講，如果今天驗血報告ＯＫ，冇發燒、冇其他唔舒服。明天下午可以出院。
醫院最近好多病人，病房內四圍都加床，床位好緊張，我估醫生都想老公快Ｄ出院。
出院在望，希望可以順利喇。
醫院最近好多病人，病房內四圍都加床，床位好緊張，我估醫生都想老公快Ｄ出院。
出院在望，希望可以順利喇。
2011年1月9日星期日
DAY +53、54 虛弱
老公精神仍然不佳，他說這次發燒後，感到身體很虛弱，常常感到很累，沒有氣力，也沒有動力。至於吃方面，其實老公都好乖，只要胃沒有不舒服，即使有多厭惡醫院的飯菜，也會盡量吃。但這幾天他胃氣很多，頂住很不舒服，亦令他即使餓也沒有胃口吃，吃了又想吐，都不知怎樣的。
之前吃不下東西，醫生會為他吊鹽水、營養液或營養飲品代替。現在每餐沒有吃，叔叔也只是原封收走，沒有人記錄，也沒有人查問。
以前在東區醫院時，即使沒有骨髓移植病房般優厚待遇，至少護士也會反映他的情況找營養師來幫他。現在即使我們主動找護士反映，也沒有人理會他。不過說實在的，這個是急症內科病房，在天氣凍的時候，人流很旺，病人一個出一個入，護士真的做到冇停手，實在沒有能力花太多精神在每一個病人身上，這樣我們也體諒的。
床單沒有人換我們可以自己動手換；水沒有人給，我們也可以自己沖；床邊放不下椅子，我們可以站著。可以自己處理的，我們都盡力去處理。就是吃的東西，我們沒有辦法。如果我們可以送食物／買外賣給老公食，我們也不用著急。現在我們嘗試買營養飲品給老公，希望他胃氣可以散一下，能喝下，喝了不會吐也不會瀉，希望這樣可以再頂多幾天。
老公自上次突然發燒入院，七天又七天，已住了廿多天。真的希望這幾天過去後，可以回家，不要再延長。
之前吃不下東西，醫生會為他吊鹽水、營養液或營養飲品代替。現在每餐沒有吃，叔叔也只是原封收走，沒有人記錄，也沒有人查問。
以前在東區醫院時，即使沒有骨髓移植病房般優厚待遇，至少護士也會反映他的情況找營養師來幫他。現在即使我們主動找護士反映，也沒有人理會他。不過說實在的，這個是急症內科病房，在天氣凍的時候，人流很旺，病人一個出一個入，護士真的做到冇停手，實在沒有能力花太多精神在每一個病人身上，這樣我們也體諒的。
床單沒有人換我們可以自己動手換；水沒有人給，我們也可以自己沖；床邊放不下椅子，我們可以站著。可以自己處理的，我們都盡力去處理。就是吃的東西，我們沒有辦法。如果我們可以送食物／買外賣給老公食，我們也不用著急。現在我們嘗試買營養飲品給老公，希望他胃氣可以散一下，能喝下，喝了不會吐也不會瀉，希望這樣可以再頂多幾天。
老公自上次突然發燒入院，七天又七天，已住了廿多天。真的希望這幾天過去後，可以回家，不要再延長。
2011年1月7日星期五
DAY +52 凍凍凍
今日真係好凍，大家要多穿衣，唔好病。
老公今日個胃仍然唔舒服，他繼續冬眠，間唔中會顫寒顫凍，但又未發得出燒。醫生安排老公照肺及驗小便。醫生亦擔心老公在這個病房會被傳染感冒，但是暫時亦沒有辦法。
如果老公可以快Ｄ冇事，出院就好了。家中暖笠笠又有好野食。
老公加油！我們等你回來。
老公今日個胃仍然唔舒服，他繼續冬眠，間唔中會顫寒顫凍，但又未發得出燒。醫生安排老公照肺及驗小便。醫生亦擔心老公在這個病房會被傳染感冒，但是暫時亦沒有辦法。
如果老公可以快Ｄ冇事，出院就好了。家中暖笠笠又有好野食。
老公加油！我們等你回來。
2011年1月6日星期四
DAY + 51 冷得老公騰騰震
老公每日3餐，早餐是甜麥皮；午餐及晚餐是無味魚柳、瓜同白飯。曾幾何時，魚柳是老公在醫院飯餐入面最喜歡的，但原來連續食左四十幾餐之後都會食到唔想食。加上老公個胃又唔係好舒服，這兩天沒有胃口，冇咩食野。醫生話可能是最近打藥既後遺症，慢慢胃口會好返。
老公今日精神較前兩天差，可能是因為今天是小寒。寒冷天氣，又冇食野，一D 熱量都冇，即使已經穿了保暖衣、長袖衫、抓毛外套、羽絨、戴左冷帽、頸巾、打孖蓋了2張氈（即4層)、1張被、幾個暖包、再抱住入了滾水既水壺，老公仍然唔覺暖，呢次真係冷得老公騰騰震。希望佢唔好凍親又發燒喇。
醫生証實老公的血液樣本種到菌，又要打抗生素，最少打7日，今日係第2日。即係最少要住多5日。
老公今日精神較前兩天差，可能是因為今天是小寒。寒冷天氣，又冇食野，一D 熱量都冇，即使已經穿了保暖衣、長袖衫、抓毛外套、羽絨、戴左冷帽、頸巾、打孖蓋了2張氈（即4層)、1張被、幾個暖包、再抱住入了滾水既水壺，老公仍然唔覺暖，呢次真係冷得老公騰騰震。希望佢唔好凍親又發燒喇。
醫生証實老公的血液樣本種到菌，又要打抗生素，最少打7日，今日係第2日。即係最少要住多5日。
2011年1月5日星期三
DAY +50 百日排斥K.O.一半
YEAH！50日喇！50日喇！
老公換左骨髓50日喇。日日在這兒數DAY +...DAY +...數到DAY +50...好快就數到DAY +100.
今日收到姊妹畫俾我地既聖誕咭，因為輾轉轉交，所以今日才收到，好靚GA! 跟大家分享一下：
老公換左骨髓50日喇。日日在這兒數DAY +...DAY +...數到DAY +50...好快就數到DAY +100.
今日收到姊妹畫俾我地既聖誕咭，因為輾轉轉交，所以今日才收到，好靚GA! 跟大家分享一下：
2011年1月4日星期二
DAY +49 今天一切安好
老公今日已經沒有發燒，肚瀉亦減少了，高高低低的真像坐過山車，唔緊要喇，最緊要可以安全下車。一直以來，老公都唔會玩機動遊戲，特別是過山車，今次冇得揀，哈哈。
今天收到一封代禱信，弟兄SAM的父親突然心臟及肺部不適，立即從國內回港，抵港後即由救護車送往北區醫院急救，現在家人仍未可探望，醫生說情況危險。請大家也禱告記念！求主拯救UNCLE，讓他能渡過這難關，並認識主耶穌的救恩。亦求主保守弟兄一家，在心急焦慮的等候中得著從神而來的安慰。
今天收到一封代禱信，弟兄SAM的父親突然心臟及肺部不適，立即從國內回港，抵港後即由救護車送往北區醫院急救，現在家人仍未可探望，醫生說情況危險。請大家也禱告記念！求主拯救UNCLE，讓他能渡過這難關，並認識主耶穌的救恩。亦求主保守弟兄一家，在心急焦慮的等候中得著從神而來的安慰。
2011年1月3日星期一
DAY +48 與喉仔SAY GOOD BYE
老公今早的燒已退了一點，肚瀉情況持續，繼續觀察。
今早醫生說老公昨晚發燒，拆喉仔事在必行。一陣就會安排專人來做這個拆喉仔行動。老公亦與陪伴他一年多的喉仔講BYE BYE。
當日安裝喉仔既時候，因為急住裝喉落化療，未清楚手術既程序及細節就推左入手術室，事前沒有足夠的心理準備，加上只是局部麻醉，老公睇住醫生在胸口同頸開窿插喉，肉隨針板上，嚇死老公。
今日要拆喉，估計應該比安裝簡單，我MSN問老公，驚唔驚，他好似好有氣勢的回覆：＂死就死罷，勇敢一點！＂
19:00 下午3時老公已完成拆喉手術，整個手術只需約20分鐘，切開Ｄ肉，把喉仔扯出，最麻煩係喉仔向皮膚下既結，要CHOCK幾下先出到黎，小小痛，不過老公依家已經可以自由郁動，7日後拆線。^^
還有一件感恩的事要同大家分享，老公昨日早上知道自己好大機會會拆喉，情緒一度跌入谷底，並表現得灰心絕望，嚇死人。
到了晚上再探老公時，見佢死死下既樣，仲以為佢為著發燒更唔開心，點知老公跟我說：＂老婆，我咁既樣只係因為發燒唔舒服，我依家心情放鬆了，唔洗擔心。＂
他昏昏沉沉的跟我分享，昨日午睡醒來時，好有感動祈禱，在禱告中，神提醒他眼目別放在苦難上，要放在神身上。老公還說雖然辛苦點，但神一定不會撇下他的。
老公振作起來了，YEAH！感謝主。當我地都唔知點安慰老公既時候，神就親自出手了。
有新消息再同大家講喇！
我也在此同喉仔講再見，以後唔洗怕整到你，又唔洗再幫你（喉仔）抹身了！
今早醫生說老公昨晚發燒，拆喉仔事在必行。一陣就會安排專人來做這個拆喉仔行動。老公亦與陪伴他一年多的喉仔講BYE BYE。
當日安裝喉仔既時候，因為急住裝喉落化療，未清楚手術既程序及細節就推左入手術室，事前沒有足夠的心理準備，加上只是局部麻醉，老公睇住醫生在胸口同頸開窿插喉，肉隨針板上，嚇死老公。
今日要拆喉，估計應該比安裝簡單，我MSN問老公，驚唔驚，他好似好有氣勢的回覆：＂死就死罷，勇敢一點！＂
19:00 下午3時老公已完成拆喉手術，整個手術只需約20分鐘，切開Ｄ肉，把喉仔扯出，最麻煩係喉仔向皮膚下既結，要CHOCK幾下先出到黎，小小痛，不過老公依家已經可以自由郁動，7日後拆線。^^
還有一件感恩的事要同大家分享，老公昨日早上知道自己好大機會會拆喉，情緒一度跌入谷底，並表現得灰心絕望，嚇死人。
到了晚上再探老公時，見佢死死下既樣，仲以為佢為著發燒更唔開心，點知老公跟我說：＂老婆，我咁既樣只係因為發燒唔舒服，我依家心情放鬆了，唔洗擔心。＂
他昏昏沉沉的跟我分享，昨日午睡醒來時，好有感動祈禱，在禱告中，神提醒他眼目別放在苦難上，要放在神身上。老公還說雖然辛苦點，但神一定不會撇下他的。
老公振作起來了，YEAH！感謝主。當我地都唔知點安慰老公既時候，神就親自出手了。
有新消息再同大家講喇！
我也在此同喉仔講再見，以後唔洗怕整到你，又唔洗再幫你（喉仔）抹身了！
 |
| 我就係喉仔喇！ |
2011年1月2日星期日
DAY +47 老公抑鬱?!
老公燒已暫時退了，只是間中也有一點顫寒顫凍。不過前晚又開始肚瀉，到依家都仍然瀉。
醫生說懷疑他心口那條希克文導管有菌，現觀察多一天，如是希克文導管有問題，會考慮拔去導管。老公當然唔想拆喉仔喇，因為如果冇左條喉仔，第日抽血輸血打藥都要吉手，打好多針。另外，萬一之後要再駁多次條喉，再開刀做一次安裝手術都咪話唔驚。如果喉仔有菌都幾危險，因為直通心臟大靜脈，總之希望冇事喇。
出院無期，轉房亦無期，我們就只好繼續等候吧。
自骨髓移植之後，老公時常都說覺得好攰，又成日冇咩心機，可以生理影響心理吧。老公時時心情低落，又唔係好想見人。唔知係唔係隔離得耐，攪到佢有Ｄ自閉呢？佢會唔會有抑鬱症呢？身心都有病，咁點算好？
老公加油！
18:00 老公又開始發冷及發燒了。因為已經打緊抗生素，護士都冇野可以幫到佢，冇藥食，老公唯有蓋多張被縮埋一舊自己震騰騰喇，真係陰功！醫生今早說血入面有菌，係咩菌仲未知，不過估計明天拆喉他的機會好大。可以點呢？
小知識：希克文導管 ( Hickman Catheter ) 是一條特製塑膠軟管安放在病人胸部的大靜脈內，用來輸送養料、液體、藥物、血製品及抽血用途，免除每次從皮膚穿刺之痛苦。
醫生說懷疑他心口那條希克文導管有菌，現觀察多一天，如是希克文導管有問題，會考慮拔去導管。老公當然唔想拆喉仔喇，因為如果冇左條喉仔，第日抽血輸血打藥都要吉手，打好多針。另外，萬一之後要再駁多次條喉，再開刀做一次安裝手術都咪話唔驚。如果喉仔有菌都幾危險，因為直通心臟大靜脈，總之希望冇事喇。
出院無期，轉房亦無期，我們就只好繼續等候吧。
自骨髓移植之後，老公時常都說覺得好攰，又成日冇咩心機，可以生理影響心理吧。老公時時心情低落，又唔係好想見人。唔知係唔係隔離得耐，攪到佢有Ｄ自閉呢？佢會唔會有抑鬱症呢？身心都有病，咁點算好？
老公加油！
18:00 老公又開始發冷及發燒了。因為已經打緊抗生素，護士都冇野可以幫到佢，冇藥食，老公唯有蓋多張被縮埋一舊自己震騰騰喇，真係陰功！醫生今早說血入面有菌，係咩菌仲未知，不過估計明天拆喉他的機會好大。可以點呢？
小知識：希克文導管 ( Hickman Catheter ) 是一條特製塑膠軟管安放在病人胸部的大靜脈內，用來輸送養料、液體、藥物、血製品及抽血用途，免除每次從皮膚穿刺之痛苦。
2011年1月1日星期六
DAY +46 踏入2011 感謝天父
老公在醫院跨年，回望過去一年老公在醫院的日子比在家的還多，雖然昨日又來了一場空歡喜，不過來到今天我們仍然一息尚存，我們仍然能夠在一起，我們都十分感恩，感謝天父。
在此也跟大家講聲＂新年快樂！祝福各位未來的日子繼續主恩滿溢。＂
有姊妹說，每天能看到這個BLOG已是最大的恩典。我也覺得每天能繼續在此發佈老公的消息，也是最大的恩典。
天父在每個人身上都有獨特的計劃，我們看不清、猜不透。不管怎樣，未來既日子，我們也會繼續用信心跟隨天父的腳蹤，見証主恩，榮耀神。
以下這首詩歌好像已經分享過很多次，不過實在很喜歡。在過去一年，我跟老公成日都會唱這首歌。瞓覺前唱過，在醫院好痛咁洗傷口時唱過，開心時唱，擔心時唱，痛苦時都唱，甚至我仲曾經想過，萬一老公返左天家，在安息禮拜的時候，我也會揀呢首歌。（當然心底入面好希望唔會咁快要安排這個場合！）
再次送給大家....
詩歌分享：全屬恩主
回望過去幾多歡笑和傷痛，曾遇挫折種種失意和掛慮。
憑著信心未懼黑暗，我救主沿途引導，
無論笑與悲，主深恩中渡過。
無望今天安穩中卻忘記主，期望今生崎嶇旅途證主愛。
無論逆境或是苦困，我救主仍然掌管。
燃亮每一刻，全程為主奔波。
這一生全屬恩主，為見証主恩大愛，
前路縱難行，崎嶇窄路，在愛中跟主腳蹤。
共挽手無懼犧牲，用信心跟主路向。
榮耀我救主，作基督聖徒，同行一生，形造新的腳印。
在此也跟大家講聲＂新年快樂！祝福各位未來的日子繼續主恩滿溢。＂
有姊妹說，每天能看到這個BLOG已是最大的恩典。我也覺得每天能繼續在此發佈老公的消息，也是最大的恩典。
天父在每個人身上都有獨特的計劃，我們看不清、猜不透。不管怎樣，未來既日子，我們也會繼續用信心跟隨天父的腳蹤，見証主恩，榮耀神。
以下這首詩歌好像已經分享過很多次，不過實在很喜歡。在過去一年，我跟老公成日都會唱這首歌。瞓覺前唱過，在醫院好痛咁洗傷口時唱過，開心時唱，擔心時唱，痛苦時都唱，甚至我仲曾經想過，萬一老公返左天家，在安息禮拜的時候，我也會揀呢首歌。（當然心底入面好希望唔會咁快要安排這個場合！）
再次送給大家....
詩歌分享：全屬恩主
回望過去幾多歡笑和傷痛，曾遇挫折種種失意和掛慮。
憑著信心未懼黑暗，我救主沿途引導，
無論笑與悲，主深恩中渡過。
無望今天安穩中卻忘記主，期望今生崎嶇旅途證主愛。
無論逆境或是苦困，我救主仍然掌管。
燃亮每一刻，全程為主奔波。
這一生全屬恩主，為見証主恩大愛，
前路縱難行，崎嶇窄路，在愛中跟主腳蹤。
共挽手無懼犧牲，用信心跟主路向。
榮耀我救主，作基督聖徒，同行一生，形造新的腳印。
訂閱：
文章 (Atom)