又過了一星期，感謝天父一直以來的看顧及保守～
這星期老公都是咳...咳.....咳......
過了一星期吃完了所有抗生素也沒有好轉，所以去了睇醫生，醫生又開了好多藥佢食。食完藥又變得＂瘟瘟燈燈＂，長期渴睡同冇胃口。
天氣唔好，食藥休息下都好既，老公唔洗心思思想出街，哈哈。
近排，老公成個人都好乾，頭又甩皮，面又甩皮，連背脊都甩皮。其實醫生早在出院既時候，已經叮囑老公要每天查潤膚膏，出街要塗防曬，戴帽戴太陽眼鏡。懶惰的老公梗係唔會做咁多所謂"女人野"喇。結果，依家情況嚴重了。
為了彌補老公的懶惰，依家每天都要幫佢敷MASK, 塗 BB油 (這個當然就不是每天啦~)，仲要幫頭髮焗埋油。實驗証明，MASK真係有效，敷了個幾星期，老公的皮膚已經有明顯既改善。睇黎除咗幫老公之外，我都唔可以懶惰，保養下自己先得，嘻嘻。
老公真係唔乖，佢竟然趁我打BLOG既時候，明目張膽的在吃朱古力手指餅 -_- ... !!! 當我鬧佢"咳仲食朱古力！" 佢既回應係"食咗 2條之麻＂（但佢又冇數到手上面正預備放入口的第3條..>_<）唔喝止佢一定會不停食，正餐又話冇胃口食，真係激死我！
成日聽到老公的咳聲，令我想起這個經典廣告（純粹分享，並冇宣傳之意）
http://www.youtube.com/watch?v=YAau4pQU7K8
要戒口啦~~ 快d 好番先可以出o黎食生日大餐!!!
回覆刪除Chan yu:
回覆刪除努力為你禱告，之前神賜你力量讓你提前做到想做的事，足以看到祂的供應。 現時則要順服祂的時間表，懷着積極的心休息，因為身體需要整頓一下。
http://www.glorypress.com/devotional/FaithAndLifeOneYearBook.asp?bid=1&rdate=6/29
亞衲族人不值得害怕。我們每個時期內心也會看到這些巨人，主卻要把他們交到我們手中。
彬
章魚一直都很乖的，以男子的性格，乖太耐總會反彈一下的，人之常情。 可不要反彈到太遠啊。
回覆刪除章魚嫂真有心機，做埋 mask，順道自己也做，這也是一種情趣！
兩位努力，主賜的喜樂乃是良方，神的醫治從心開始。