DAY +1461 ＜老公住院節紀念日＞ - 4 歲了！+【特別鳴謝】

4歲喇~~4歲喇~~

點解稱身的衣裳
現在已都穿不上
傢俬變得那麼小
門也沒法穿過了
天天長大我天天高 (睇下邊個高D)
LaLaLaLaLaLaLaLaLaLa...
(XXX廣告歌)

老公4歲喇，佢D衣裳都仍然穿得上，傢俬沒有變得小，門都仍然穿得過，高度都仍然係咁高，嘻嘻 =P

唯一最大的改變就係變咗老老老老公。見到老公老咗我好開心，因為老公能夠陪我一齊老咗，一齊肥咗(我高速，佢龜速^^)，一齊出皺紋白頭髮(我指未來)，唔係一個人孤獨地老 =)。

過去一年，我哋嘅生活是平靜安穩，很感恩可以用呢4個字去總結過去一年的日子，感覺十分幸福。

【特別鳴謝】

藉著這個日子，也想向當年捐骨髓俾老公嘅「有心人」再次道謝。沒有當日有心人的無私奉獻，今天很可能就只剩我一人孤伶伶的。有點可惜的是，事隔多年，老公最終未能透過紅十字會的安排與捐贈者相認，故我們沒法親自多謝他。無論如何，如果「有心人」有緣看到這個 blog，就讓我們在此向你說聲真誠的感謝！



Day +1096 ＜老公住院節紀念日＞ - 3 歲了！

好耐冇打 BLOG，突然唔係好識打添。以前點解可以打到咁多嘢嘅呢？！ 真係勁！(唔知醜=P)

講返正題先....老公，生日快樂！

今日係 DAY +1096.... 感謝主！

一如往年，我地繼續承接住院節紀念既指定活動，以菠蘿腸、營養奶為記，記念老公進行骨髓移植嘅大日子，數算神恩！

唔知係唔係年紀大咗，記性差咗，都唔係好記得3年前嘅事，不過睇返呢個 BLOG，一幕幕嘅情景似遠還近的浮現，當時唔係憑天父賜予的力量同大家既支持，都唔知點撐過，實在是極為奇妙。

今年一月老公已返回東區醫院覆診，見返 D 醫生護士好有家嘅感覺，每次覆診都有申請續期嘅感覺，雖然當中都出現過 D 不正常指數，但總算安穩，暫時都成功續期，3個月3個月咁又過咗一年，嘻嘻！

天父真好，從未離開我們，更為我們預備最好的，我地嘅生活繼續平淡是福，知足常樂。

過去一年老公除左被迫要做多D家務外，生活都冇咩改變，人就肥咗D，不過都仲係未達標。

我既轉變就大DD，除左身體狀況差咗DD，以及肥咗DD變咗肥師奶之外，我依依不捨咁離開做咗9年嘅工作岡位，轉左一份好想做而天父又俾機會我做嘅工，雖然或會力有不逮，雖然要從頭再學，雖然有D壓力，但我會努力做好呢份工，好好為病人出一分力，天父求你加能賜力給我吧！我要加油！

這年來，在醫院做義工都遇到好多病友，佢地在治療及等候嘅階段，暫時都好辛苦好難過，有時同佢地分享，原本想為佢地加油，點知有時老公分享嘅經歷卻嚇親佢地，真係對唔住，其實每個病人嘅情況都唔同，可能你地唔會咁辛苦，但係我想講，即使好似老公咁辛苦，大家都唔好放棄，捱過咗就有另一片天。

祝福大家！

Day +1000 千日老公

好耐好耐無update 了, 我和老公一切安好~感謝天父

今日是Day +1000, 還記得Day +100 儀姐夫晚上代主牽庭送來的百日蛋糕...轉眼已過了10個百日....實在感恩.

老公生活如常, 健康ok, 間中像大家一樣會有傷風感冒, 依家每三個月覆診一次.老公肥左又精靈左. 儲肥老公的同時, 我都儲肥左自己, 正式加入肥師奶行列. >_< ^_^.....

10個千日後是 Day +10000 唔知到時仲上唔上到網呢? 哈哈

祝福大家!

DAY +731 ＜老公住院節紀念日＞ - 2 歲了！

今日係咩日子，我差D都唔記得，但係老公就牢記於心，早幾個星期已叫我記得請假。又係嘅，今日係＜老公住院節紀念日＞，亦即係老公接受骨髓移植、從死裡逃生嘅大日子，老公又點會唔記得呢^^

先講一下老公身體嘅情況：哈哈，見個 Blog 咁耐都冇更新，大家咁聰明應該都估到一二。老公11月初去瑪麗醫院覆診，醫生說："你情況穩定，以後可以返東區醫院覆診，冇咩事唔好再見喇！＂，之後再補一句：＂係叻仔先可以唔洗返嚟。＂聽到醫生咁講，我同老公都心中暗喜，離開J8病房，我地都忍唔住笑出嚟...仲暗暗同 J8 講 "BYE BYE" ^^！感謝瑪麗醫院上上下下的醫護人員這些年來的照顧，衷心感謝，盼望後會無期。

明年１月起，我們就重返東區醫院~ Ｗe're Back!

我地嘅生活雖然平淡，但我們很嚮往，返工放工，返教會，做下義工，同朋友家人聚首，在家中閒休，安安穩穩的，很開心，很快樂，很滿足。平淡是福，知足常樂。

兩年了，雖然對老公患病時的日子印象都好模糊，但係有些重要嘅事，一定唔可以忘記。特別是天父如何帶領我們走過死蔭幽谷，人的能力有限，病了不一定可以康復，基督徒也不例外，但係在艱辛的旅程中，能獲得從神而來的平安，卻是最重要的。

＜老公住院節紀念日＞不單是慶祝老公新生命幾多年的生日，還是一個讓我們回顧整個治療過程，數算主恩的日子。重新看回過去自己寫的文章，字裡行間記載著痛苦、擔心、恐懼，但卻又不失喜樂，愛和感謝。我們又點可以不感謝天父呢！

老公，2 歲生日快樂！


紀念日必備－罐頭菠蘿腸



兩週年，乾杯！　（左起順時針：奶奶、老爺、我、老公）



DAY +611 生活分享

收到弟兄的留言通知，也上來感恩一下。

近幾個月我同老公的生活都好美滿開心，只係間中出現一些生活不協調的吵鬧，不過轉個頭又會和好如初。

老公身體狀況良好，上次覆診已經停哂Ｄ抗排斥藥，仲開始打返D BB針 (因為老公就好似初生BB一樣，無任何的抵抗力，所以要重頭再打過所有疫苗）。依家8星期覆診一次。除了間中傷風感冒，要比較長時間先好得返之外，身體大致上不錯，體重仲開始升返Ｄ添。每星期返5日工，身體都撐得住，精神起上黎仲好有活力，好似一個小朋友咁。

而我讀左好幾年既社工課程，亦都終於讀完喇，總算順利畢業，想當年係老公叫我去進修，係老公幫我揀科，揀學校同報名，佢病危既時候，都吩咐我，萬一佢有咩不測，我都要努力完成埋個課程，唔好半途而廢。終於在老公的威迫利誘之下讀完，多謝老公，除了接送放學，預備宵夜，受我逼迫外，你仲幫我......哈哈，辛苦你喇，張証書你都有一半喇。


近排，我地除左享受生活，享受夫妻間吵鬧既樂趣外，我同老公參加左一個＂醫院探訪義工訓練課程＂，下星期就最後一堂，希望我同老公都可以PASS，日後有機會可以去服侍病友。

最後分享下，我同老公近排分別在布吉同吉隆坡旅行時拍的風景照片，祝福大家。

布吉, 我地黎喇

美麗的天空

布吉 - 別墅中的私人泳池及郊野浴室

布吉 - 渡假村的沙灘

布吉 - 寧靜的渡假村

布吉 - 渡假村的別緻吊燈

布吉 - 沒有花的荷花池

布吉 - 巴東的購物城

吉隆玻 - 天亮了

吉隆玻 - 渡假村

吉隆玻 - 渡假村的私人沙灘

吉隆玻 - 日出與日落 - 日落

吉隆玻 - 日出與日落 - 日出

吉隆玻 - 雙子塔的日與夜-日

吉隆玻 - 雙子塔的日與夜-夜

吉隆玻 - 色彩繽紛的馬六甲

Day +537 新造的人

今日係一個超級重要的大日子。

今日係我受浸嘅日子！

感謝各位的祝賀，感謝每位出席的來賓，最重要的是感謝我們的天父！

今日我們 8 位弟兄姊妹一起受浸，我們的親朋好友，弟兄姊妹都來見證我們受洗。想不到我未認識神的家人也願意出席，仲要一個都沒有少。當然不少得我的章魚老公，老爺奶奶同大姨，我成長教會的傳道、弟兄姊妹(他們還帶來一張簽滿我熟悉名字的賀卡，好感動^^），還有老公的好兄弟、油塘堂的傳道同工、弟兄姊妹、最溫馨既主牽庭小組仝人......真的謝謝你們每一位！^^　

感謝天父！老公可以見證我的浸禮 ^^

這句經文印在浸禮場刊的封面。「若有人在基督裏，他就是新造的人，舊事已過，都變成新的了。」（林後5:17）

而牧師叮囑我們要緊記「所以，我們應當離開基督道理的開端，竭力進到完全的地步」 (來 6:1)

我會努力的!

浸禮禮堂

浸池

河浸眾弟兄姊妹的心意咭

主牽庭小組送的教堂模型

多謝春霞姊妹

多謝Rhoda姊妹

多謝蔡氏伉儷

多謝Ernie 助教

多謝陳氏一家

多謝老爺奶奶

多謝萬琦漢耀夫婦

多謝Wun Wun 姊妹

多謝大姨

多謝Sindy姊妹

多謝鄧姑姑

多謝Clare姊妹

多謝爸爸+媽媽+大家姐+大姐夫+二家姐+姨生仔

DAY+524 老公發燒了

老公雖然之前都斷斷續續的病，但都好耐冇試過發燒。黎到呢個容易令人病的流感季節，老公都係走唔甩，好似要湊下熱鬧先得咁 >_<。自從上星期五開始老公就一直低燒，睇左兩次醫生到依家都未退。老公，病下好喇，要快Ｄ好返！

大家都要多注意身體，加強一下抵抗力，唔好好似老公咁鍾意趕流行先得呀（一有流行性感冒就趕著生病）！

老公在醫院的時候，院牧成日都有去探佢，鼓勵佢，同佢一直祈禱，仲借左本珍藏的＜呼召的勇氣＞俾老公睇，感謝天父賜予那麼多天使在老公身邊。（院牧，不好意思，本書到依家仲未歸還，我地會搵日送番俾你的。）之前院牧邀請老公寫了一篇見證，最近呢篇見証＜ 白色彩虹：活著就是恩典 ＞在香港醫院院牧事工的網站刊登了，大家有時間去睇下， 入面仲有好多適合病人、病人家屬、醫院員工、你同我睇既資訊同分享的。

＜ 白色彩虹：活著就是恩典 ＞　葉振宇（老公的筆名）　＜－CLICK TO READ

好耐無跟大家分享詩歌了，以下呢首詩歌是N年前在教會帶一個團契活動時分享的詩歌，當時我同老公仲未走在一起呢，但就有一起侍奉的機會，老公負責彈琴，我負責唱歌，那個團契仲有英華姊妹一起帶呢，可能老公同英華姊妹都唔記得左LU，但很令人回味呢 ^_^。

求主每天擦驗我們的靈，使我們的心專主為大；求主帶領我們每天活在主道中，有美好的見証。

我願我靈 我願我靈，存活於十架裡默靜； 話語也變得安寧，兩耳專心傾聽。 注目聖形，全情下俗世化泡影，心早預定讓主將旨意傾。 察驗我靈，從神的話語確認； 願這心窩專主聖名，抹去虛假不敬。 聖話照明，潛藏著罪意也看清，此生命是主將之救拯。 求你讓這生充滿信心充滿耶穌生命， 願意你聖血洗去，我心底的暗影。 除去內裡捆鎖抹去苦楚盼望基督導領， 更清楚使命從心底裡響應。 求你讓這生充滿信心充滿耶穌生命， 願意你聖血洗去，我心底的冷冰。 神我願撇開一切困扼不計用此生做證， 叫今天世代同得享這感應。